ფირდოუსი, ჰაქიმ აბუ ლ-ყასემ ტუსი (934 – 1030) სპარსული პოეზიის უდიდესი წარმომადგენელი. ირანული ეროვნული ეპოსის "შაჰნამეს" ავტორი.
      „შაჰნამე“ შედგება დაახლოებით 50000 ბეითისაგან (100 000 სტრიქონი), დაწერილია მესნევის (წყვილად გარითმული ტაეპები) სალექსო ფორმით, მოთეყარების საზომით, ზოგადად მთელი მასალა მითოლოგიურ, საგმირო და ისტორიულ ნაწილებად იყოფა. პოემა გაჟღენთილია პატრიოტიზმის და ჰუმანიზმის იდეებით, გამოირჩევა მდიდარი და ორიგინალური პოეტური ხერხებით, იშვიათი მუსიკალურობით.
      ქართველები ადრიდანვე იცნობდნენ ფირდოუსის თხზულებებს, თუმცა პირველი თარგმანი, რამაც ჩვენამდე მოაღწია XVI-XVIII სს. თარიღდება. შაჰნამეს ქართლი ვერსიები ე. წ. აღორძინების ეპოქაში შეიქმნა, „როსტომიანი“, „ზააქიანი“, „უთრუთიან – საამიანი“ (პოეტური) და „ფრიდონიანი“, „წიგნი საამ ფალავნისა“ (პროზაული).
      ღონისძიებას დაესწრებიან: განათლების და მეცნიერების სამინსტროს; კულტურის სამინისტროს წარმომადგენლები; გამოჩენილი საზოგადო მოღვაწეები, მწერლები და სხვა მოწვეული სტუმრები.
      მისასალმებელ სიტყვებს წარმოსთქვამენ: ირანის ისლამური რესპუბლიკის ელჩი საქართველოში ბატონი მაჯიდ საბერი, ირანის ეკონომიკური თანამშრომლობის კულტურის მიმართულების ხელმძღვანელი ბატონი აიუბი, საელჩოს კულტურის განყოფილების ხელმძღვანელი ეჰსან ხაზაი.